仲記得幾個月前聽到好多冷言冷語
「香港經濟無自由行死得啦！」
「香港無人嚟旅行啦，啲鋪頭執笠啦！」
「唔做自由行生意等乞食啦！」
「香港唔靠中國邊有運行㗎⋯」
一句一句都仲言猶在耳，
各位大中華膠，喺中國強大嘅美夢中瞓醒未？
前幾個月抗爭運動令到自由行減哂
麥仔講咗好多次：「你依賴一種收入來源，
到佢冧檔嘅時候你自然跟住一齊死，條路自己揀⋯」
是的，香港好多行業好多人都係跪拜人民幣
畀中共用人民幣包裝嘅奢華外表瞞騙
奶共奶到出賣香港人、背棄香港、擁抱「大中華」美夢
最後人民幣就化成武漢肺炎呢個回力鏢
狠狠摑大中華膠一巴。
自由行嘅錢，你仲有無命賺？
香港最畸型嘅地方就係有一班人不停講，但無人肯聽
水貨客問題、樓價問題、小店問題、新移民問題⋯
咁多年嚟不停有人講，不停有人話畀大家知
中國新移民同自由行點樣影響緊我哋香港人嘅民生
但無人聽，因為無人會同錢作對
大家都為人民幣放棄民生、甚至放棄應有權利
到最後先發現自己引火自焚，人民幣原來有毒。
有個寓言故事係咁嘅：
有個農夫見到有條蛇奄奄一息就去救佢
條蛇好番之後見到農夫就咬佢
農夫問：點解你要恩將仇報？
蛇話：唔好忘記我係一條蛇。
呢個寓言有少少唔啱，
因為香港人唔係好心去救中國，而係貪心去奶中國
但蛇嗰句就好啱：「唔好忘記我係一條蛇」
唔好忘記惡魔一直都係惡魔。
好鍾意近期不停有人講嘅一句話：
「香港人，別忘了是誰讓你瘋狂」
IG：@hkgirlfriend
FB：港女友
Search